Iria Paz
Iria Paz é unha artista visual ourensá instalada na pequena aldea de Turzás, en Allariz, onde vive e desenvolve a súa actividade creativa desde o seu propio estudio. Formouse na Escola de Artes e Oficios de Ourense e posteriormente estudou Belas Artes en Pontevedra.
Defende unha maneira libre de entender a creación e reivindica especialmente a importancia de manter e desenvolver a actividade artística no medio rural.
A súa obra
O debuxo e o trazado ocupan un lugar central no seu traballo, cun proceso creativo moi ligado á experimentación e á procura constante de novas formas de expresión.
Iria defínese como unha artista multidisciplinar e evita limitar a súa obra a un único estilo ou concepto. Ademais do debuxo e a ilustración, a súa inquietude creativa levouna a explorar outros ámbitos como a música e a tatuaxe.