Colexiata de Santa María a Real

A colexiata é o gran referente monumental de Xunqueira de Ambía. A súa igrexa, construída na segunda metade do século XII, conserva formas propias do románico, con elementos góticos incorporados posteriormente. A fachada, os tres ábsides e a torre do campanario permiten descubrir distintas etapas da historia artística deste conxunto declarado Ben de Interese Cultural.