Luis Pachón
Luis Pachón (Allariz, 1947) é pintor, escultor e ceramista cunha longa traxectoria vinculada á creación e ao ensino artístico. Formouse en Artes e Oficios nos Salesianos de Cádiz e posteriormente continuou a súa formación en debuxo, pintura e música. En 1975 participou na fundación da Escola Municipal de Cerámica de Ermua e, tras regresar a Allariz, promoveu e dirixiu a Escola Municipal de Pintura e Cerámica.
A súa obra
A súa produción abrangue pintura, escultura e cerámica. Na obra pictórica traballa con técnicas como o óleo, o acrílico, a acuarela e as técnicas mixtas, cunha presenza recorrente da música como fonte de inspiración. Ao longo da súa carreira participou en numerosas exposicións en Galicia e noutros puntos de España e Francia.
